Autor: Femuro Femuro

O pasado 1 de Maio Femuro participou na II Feira Solidaria de Verín vendendo libros usados e pequenos agasallos feitos polos nenos e nenas das nosas actividades. O obxectivo foi recadar fondos para os programas de emerxencia social que se están a levar a cabo de forma permanente dende a entidade. 

Tamén contamos cun grupo de voluntarias de Femuro que estiveron pintando e alegrando as caras dos nenos e nenas que acudiron á Feira. 

O resultado foi moi satisfactorio, tanto polas doazóns de particulares e de entidades  recibidas para vender na Feira (que foron cerca de 600 libros) como polos resultados das ventas. 

O próximo ano voltaremos con máis forza!! 

Femuro participará por segundo ano consecutivo na II Feira Solidaria de Verín. Este ano estaremos alí vendendo libros usados para conseguir fondos destinados a axudar a familias con necesidade da Comarca de Monterrei.

Durante todo este mes recollemos libros de todo tipo e para todas as idades (agás enciclopedias e libros de texto) que estean en bo estado e nos sirvan para vender ese día. 

 

 

Durante o mes de marzo conmemoramos o Día Internacional da Muller nas  seguintes Comarcas:

• Ribeiro cunha participación de 80 mulleres e a representación dunha obra de teatro a cargo do “Grupo de Teatro de Castrelo de Miño”. 

• Monterrei, cunha participación de case 200 mulleres e agasalladas cun espectáculo de Maxia pola Igualdade pola Secretaría Xeral da Igualdade.

• Limia cunha participación de 60 mulleres que asistiron á xornada “quen dixo que as mulleres non podemos?”
• Carballiño, cunha participación de 130 mulleres, agasalladas pola Asociación de Mulleres Rurais “A Rubideira” coa representación da obra de teatro “O Parque de San Antonio”.
• O Barco, cunha participación de máis de 100 mulleres, onde cada unha das asociacións participantes homenaxeou a unha das súas socias. 

 

 

Tivemos presenza nos medios de comunicación... Deixámosvos aquí os enlaces:

http://www.laregion.es/articulo/a-limia/mujeres-relatan-lucha-mundo-micromachismos/20170313090730693443.html

 

http://www.laregion.es/articulo/monterrei/mulleres-rurais-da-comarca-monterrei-reclaman-igualdade/20170312102351693200.html

 

Xuntanza de mulleres rurais en Vilamartín de Valdeorras

Nos meses de Abril e Maio Femuro fai novos grupos, en horario de tarde, para a preparación ás probas de Competencias Clave que convocará a Xunta de Galicia no próximo mes de Maio. 

Estas formacións levaránse a cabo en Verín e Ribadavia e aínda hai prazas para persoas en situación ou risco de exclusión social. O prazo límite para anotarse e o 16 de marzo (ou ata cubrir prazas). 

Para máis información chamar ao: 988.411390 ou acudir a nosa sede en Verín (Camiño Vello de Sousas nº 26).

 

Polo día da Paz, no C.E.I.P. O Castiñeiro de Laza, a través da Asociación de Mulleres Rurais TRES DE MAIO, colaboraron con Femuro nunha recollida solidaria de alimentos. RECOLLERON 70 KG de produtos non perecedeiros que empregaremos en axudar a moitas familias da Comarca que están a pasar unha situación difícil nestes momentos. 

Recordamos que durante todo o ano no noso local de Verín recollemos doazóns tanto de particulares como de entidades.

 

O día 9 de xaneiro comezaremos outra vez coas formacións en Competencias Clave Nivel 2, formando a 2 grupos de 12 persoas cada un, un será en Verín e outro en Ribadavia. As persoas destinatarias desta formación, serán persoas en risco ou situación de exclusión social, e todo estará financiado polo Fondo Social Europeo e a Dirección Xeral de Inclusión Social da Xunta de Galicia.