FEMURO COA INFANCIA – FEMURO VERÁN – 2022

 

Un ano máis levamos a cabo, durante os meses de xullo e agosto, actividades de ocio e tempo libre con 20 nenas e nenos de idades comprendidas entre os 6 e os 14 anos; sempre con perspectiva de xénero e tendo como base o feminismo e a igualdade.

O tema central deste espazo foi o planeta, polo que cada semana traballamos un continente diferente acercándonos a aspectos como a gastronomía, a fauna e a flora, o arte ou a arquitectura.

Realizamos actividades variadas entre as que destacamos:

  • Visita a parques e espazos naturais da contorna (Sousas, Fontenova, Cabreiroá, río de Verín…).
  • Obradoiros de cociña.
  • Olimpíadas deportivas.
  • Concursos sobre cultura xeral.
  • Xogos ao aire libre
  • Baño nas piscinas municipais (con entrada gratuíta cedida polo Concello de Verín).
  • Recollida de lixo.
  • Xestión de emocións.
  • Visita ao Museo de Verín.

Tamén realizamos varias saídas recreativas, nalgunhas delas con compañía das familias das nenas e nenos participantes:

  • Parque Multiaventura da Asociación Cultural “Os Tres reinos”.

Neste espazo de ocio e deportes vivimos unha mañá chea de adrenalina e enerxía a través da práctica de escalada, xogos de habilidades, tirolina, pirámides tridimensionais… Sumerxidos nun entorno natural.

 

  • Asociación ANDREA, Festival Internacional de Xardíns e zona recreativa de Allariz.

Nesta xornada disfrutamos, xunto coas familias e outros nenos e nenas do C.D.R. Portas Abertas, dunha xornada chea de experiencias. Tras visitar a Asociación ANDREA, adicada a rescatar burros en situación de desamparo que coidan e cos que realizan terapias, paseamos polos 12 xardíns participantes no Festival Internacional. Finalmente comemos e bañámonos no río, aproveitando a natureza e o bo tempo.

 

  • Emerxencias g.s.e e zona recreativa de Laza.

En colaboración co Concello de Laza, as nenas e nenos tiveron a oportunidade de coñecer como son as ambulancias e os coches de bombeiros, aprendendo a apagar incendios e a actuar fronte a diferentes imprevistos.

 Tamén disfrutaron dunha tarde de baño e xogos na zona do río. Agradecemos especialmente ao alcalde, José Ramón, a a María e José pola seu tempo e explicacións.

Esta actividade está financiada en parte pola Deputación Provincial de Ourense  a través da convocatoria de subvencións a entidades sen ánimo de lucro para a organización de actividades culturais e recreativas.