PROGRAMAS SOCIAIS – FEMURO SOLIDARIA

FEMURO SOLIDARIA: 

PROGRAMA DE ATENCIÓN URXENTE DESTINADO A MULLERES INMIGRANTES E/OU XITANAS EN SITUACIÓN DE VULNERABILIDADE

 

No ano 2024 levamos a cabo este programa de Emerxencia Social no que tentamos cubrir necesidades básicas dalgunhas familias das comarcas de Verín e do Ribeiro. 

Así, atendemos a un total de 21 familias ás que lles proporcionamos:

• Alimentación fresca: carne, peixe, verduras, fruta, lácteos, etc.
• Alimentación non perecedeira: pasta, arroz, aceite, conservas, preparados…
• Produtos de hixiene persoal e do fogar.
• Produtos de farmacia que non cubren a seguridade social.

Este programa non foi soamente un programa de entrega de alimentos, senón que houbo un seguimento e un acompañamento persoal e individualizado a todas as familias atendidas, abordando máis problemáticas que as de falta de alimentos: apoio emocional, derivación a outros recursos, orientación laboral e académica, etc. 

 

O programa durou 11 meses.