As actividades de “Axóuxeres” despedíronse ata Setembro cunha sesión adicada as nais que participan neste programa (nais con fillos e ou fillas menores de 3 anos) sobre “anticoncepción e bioloxía feminina”.
As participantes consultaron dúbidas e marcharon con moita información, que ben seguro, lles será útil.
Este obradoiro foi impartido por Beni, matrona no Hospital de Verín.
Dende o 27 de Xuño ata o 2 de Setembro, Femuro leva a cabo o seu novo programa “FEMURO VERÁN” na que un total de 21 nenos e nenas, con idades comprendidas entre os 3 e os 14 anos, pasan as mañás entre amigos-as, xogando, estudando, facendo obradoiros, informática…
Ademáis, 11 destes nenos e nenas benefícianse do “comedor Solidario”, como parte desta mesma actividade.
Do 27 de Xuño ao 2 de setembro, en horario de 8 a 15 horas, Femuro pon en marcha unha ludoteca infantil, que pretende conciliar a vida familiar e laboral por un lado, e dotar aos nenos a ás nenas de habilidades e recursos sociais, coginitivos, persoais e relacionais, así como ser unha alternativa de ocio durante as longas vacacións estivais.
As familias escollidas para participar neste programa son, prioritariamente, familias vulnerables, en situación ou risco de exclusión social.
Nesta actividade participarán un total de 25 nenas e nenos, de idades comprendidas entre os 3 e os 14 anos, e consistirá na realización de xogos, manualidades, excursións, obradoiros (sobre primeros auxilios, sobre alimentación, sobre saúde…), reforzo escolar, hábitos saudables, traballo de emocións e hablidades sociais, etc.
Dos 25 nenos e nenas, 10 participarán, unha vez que rematen as actividades da mañá, no comedor Social.
O pasado Venres 17 de xuño, recollemos alimentos no C.E.I.P. de Infantil Amaro Refojo. A recollida solidaria tivo unha gran aceptación, e conseguimos 150 kg de alimentos non perecedeiros e produtos de hixiene.
Con todo esto poderemos axudar a moitas familias da Comarca de Monterrei durante o periodo estival, que se atopan en situación de vulnerabilidade, todas elas, con fillos e/ou fillas menores a cargo.
Queremos dende aquí agradecer, primeiramente, ao centro educativo que nos deixou facer esta recollida, e en segundo lugar, e non menos importante, a todas as familias que colaboraron. Moitísimas grazas a todas e a todos!!
Recibimos unha nova doazón, esta vez da Editorial Bolanda, que nos agasallou con moito material didáctico do que faremos bo uso xa nas próximas actividades de verán (FEMURO VERÁN).
Dende aquí, agradecemos a dita Editorial a súa colaboración.
Despois de moitos meses de esforzo os resultados foron visibles.
No curso de Verín presentáronse 22 alumnas e alumnos dos cales:
– 6 aprobaron os dous niveis (nivel 2 e nivel 3)
– 9 aprobaron o nivel 2
– 2 aprobaron o nivel 3
No curso de Ribadavia, presentáronse 19 ao nivel 2, dos cales resultaron aptos-as 16.
E o resto…. quedaron por unha asignatura.
PARABÉNS A TODAS E A TODOS!!
Dentro do curso de “recursos e técnicas de tempo de lecer” realizamos unha visita ao “Parque Multiaventura” na Mezquita, da Asociación Cultural “Os Tres Reinos”.
Na visita, as alumnas e alumno coñeceron un recurso existente na zona moi interesante, e practicaron deportes de aventura: escalada, ponte tibetana, tirolina, tiro con arco….
Temos moito que agradecer á Editorial Combel, que nos fixo unha gran doazón de libros e contos infantís as que daremos moitísimo uso nas actividades cos nenos e coas nenas!!
Outra editorial á que agradecer os marabillosos libros que nos mandou!!
As alumnas e os alumnos dos cursos preparatorios de Competencias Clave de Verín e Ribadavia foron este Sábado día 21 a examinarse dos niveis 2 e 3 de maneira oficial a Silleda.
Os cursos preparatorios (un total de 4), están financiados íntegramente polo Fondo Social Europeo e a Consellería de Política Social- Dirección Xeral de Inclusión Social da Xunta de Galicia.
